Televés expón as súas solucións de eSaúde en Andina Link 2017
xoves, 2 de marzo do 2017
Televés,
empresa compostelá especializada na fabricación de tecnoloxías
avanzadas de telecomunicacións e televisión, vén de comunicar que
estará entre os días 7 e 9 de marzo nun dos eventos referenciais de
América do Sur en materia de TV, tecnoloxías converxentes, os
contidos e as oportunidades de negocio que xorden arredor deles.
Falamos da feira Andina Link
2017, que se celebra na cidade colombiana de Cartaxena de Indias.
Nunha
exposición internacional na que se darán cita operadores de
telecomunicacións, fabricantes, provedores de servizos e
distribuidores de contidos, a compañía presentará solucións para
o sector da eSaúde (tecnoloxías dixitais para o ámbito médico e
dos coidados), con propostas integrais de distribución de servizos
audiovisuais para hoteis e hospitais que inclúen servizos de
televisión da nova xeración a través de IPTV, infraestruturas
integrais de comunicación para redes GPON de alta capacidade e o
último en solucións de sinatura dixital.
A
compañía presentará tamén as súas novidades en hibridación no
dixitalizado de redes, con especial fincapé no recifrado de
servizos. “Estas solucións”, sinala Televés, “responden as
necesidades de dixitalización de redes dos operadores de cable”.
Televés estará presente na caseta 43, nun espazo privilexiado por
ser lindeiro á zona de alto tránsito.