Tesla vende baterías... para smartphones

luns, 20 de novembro do 2017 Marcus Fernández

A marca Tesla Motors é unha das máis destacadas a nivel mundial como aspiracional, captando a atención do público polas súas propostas de futuro e polas revolucións que propón no que a transportes por estrada se refire, sendo claramente o eixe do seu negocio as baterías que permiten que tanto coches coma camións poidan desprazarse centos de quilómetros cunha única carga, de aí que resulte curioso que entre a mercadotecnia da compañía veñan de colocar unha batería externa cun deseño inspirado ao monumento con forma de supercargador Tesla sito no Tesla Design Studio.
A Tesla Powerbank é posiblemente o xeito máis asumible de achegarnos á tecnoloxía de Tesla, xa que este accesorio cunha capacidade de 3.350 mAh véndese a un prezo de 45 dólares (38,35 euros). A batería inclúe conectores micro USB e Lightning, de xeito que pode cargar tanto smartphones con Android coma iPhone, e aínda que non teña nada especial a nivel técnico, o feito de que simbolice a unha marca icónica de seguro que vai convertela nun produto atractivo para os seareiros de Tesla (que probablemente terá moi boa saída de cara ao Nadal).

PUBLICIDADE