Thanko pon á venda unha cama de auga para portátiles

Este accesorio axuda a refrixerar os ordenadores portátiles

O fabricante xaponés Thanko volve a sorprender cun dos seus produtos, e desta volta ocorréuselles vender por 1.980 iens (17,44 euros) unha cama de auga para ordenadores portátiles, ou sexa, unha especie de coxín inchable (con partes cheas de aire e outras de auga) que mide 41,5 x 34,5 x 6,5 centímetros e que contribúe a manter o portátil a unha temperatura reducida, sendo especialmente práctico se queremos colocar o equipo sobre as pernas (pois illaría o noso corpo da calor propia dos equipos informáticos portátiles).
Cando a cama de auga non está en uso pode aproveitarse incluso a xeito de almofada para botar unha cabezada, aínda que non parece ser o produto máis confortable para tal finalidade.