Thanos chega a Fortnite

luns, 7 de maio do 2018 Marcus Fernández

A partires de mañá o xogo Fortnite vai celebrar un evento especial no que o grande fenómeno dos battle royale desenvolvido por Epic Games vai xuntar forzas co grande éxito nos cines, Avengers: Infinity War, xa que o malvado do filme da Marvel, Thanos, vai formar parte dun crossover sen precedentes.
O Infinity Gauntlet Limited Time Mashup será un modo dispoñible por tempo limitado no que o cento de xogadores que compitan pola supervivencia terán que ter en conta a presenza no mapa do Guantelete do Infinito, de xeito que o xogador que consiga facerse co obxecto converterase no propio Thanos e poderá usar todo o seu poder.
Este novo modo de xogo estará dispoñible en todas as versións de Fortnite (PS4, Xbox One, PC, Mac e iOS) totalmente de balde.

ACTUALIZACIÓN (8-5-2018): A estrea de Thanos en Fortnite xa ten tráiler:

PUBLICIDADE