The Abbey (A Abadía): suspense no claustro
martes, 18 de novembro do 2008
A empresa
española Alcachofa Soft en colaboración con Fiendware
vén de presentar The Abbey (A Abadía), un xogo para PC con máis de
1.000 planos e 40 localizacións que se desenvolve nunha vella abadía onde teñen
lugar unha serie de misteriosos crimes.
O antigo Gran
Inquisidor Leonardo e o seu asistente Bruno, son enviados polo Vaticano a unha illada
abadía para investigar os estraños sucesos que rodean a un segredo moi ben
gardado; pero nada máis chegar todo se precipitará cando alguén tenta poñer fin
ás súas vidas…
En palabras da
propia empresa Alcachofa Soft, o xogo representa un “chimpo de xigante” para a compañía, amais de unha “superprodución”, tanto dende o punto de
vista tecnolóxico como narrativo, ofrecendo unha das aventuras gráficas máis
agardadas a nivel internacional durante 2008.
The Abbey é un xogo de proporcións cinematográficas cun
suspense que vai máis alá da aventura tradicional.
Combina os
gráficos 2D e 3D dun xeito innovador e contén máis de 200 fondos distintos
pintados á man.
Asemade, contén
máis de setenta minutos de banda sonora composta por Emilio de Paz e
interpretada pola Orquestra Sinfónica de Praga e Coro que meten ao xogador nun
ambiente propio dunha auténtica abadía.
Trailer do xogo