The Last of Us Parte II convértese no meirande lanzamento exclusivo para PS4

venres, 26 de xuño do 2020 Marcus Fernández

Non hai dúbidas en que The Last of Us Parte II era o xogo exclusivo para PlayStation 4 máis agardado do ano, e aínda que a crise sanitaria podería ter afectado ao seu lanzamento, finalmente parece que non foi así, xa que a 21 de xuño tería acadado os 4 millóns de unidades vendidas, ou sexa que sería o título exclusivo de PS4 que máis rápido chegou a tal volume de vendas, confirmando que estamos ante un dos meirandes lanzamentos da presente xeración de consolas.
O lanzamento da secuela de The Last of Us tamén obrigou a dar unha forma diferente ao calendario de lanzamento de xogos exclusivos para PS4, que agora prepárase para recibir o vindeiro 3 de xullo o moi agardado Marvel’s Iron Man VR (título que permite vivir a experiencia do heroe da Marvel cun casco PlayStation VR) e Ghost of Tsushima, que tiña terse lanzado no mes de xuño, pero finalmente verá a luz o 17 de xullo para marcar certa distancia co éxito de Naughty Dog.

JPEG - 90 KB
A nova aventura de Ellie e Joel conseguiu conquistar ao público no seu lanzamento

PUBLICIDADE