The New York Times explora o aproveitamento de Alexa para captar audiencias
venres, 11 de xaneiro do 2019
The Daily é programa diario
(de luns a venres) conducido por Michael Barbaro dende o que The New York Times
permite facer un achegamento sonoro á actualidade, ou sexa, o podcast de
actualidade dunha das cabeceiras de prensa máis relevantes do mundo, que está a
dar un paso importante ao buscar integrarse cos asistentes de voz, de xeito que
agora é posible gozar
desta publicación a través de Alexa.
Os usuarios de altofalantes Echo de Amazon ou outros trebellos que integren o
asistente Alexa poderán
solicitar a reprodución do resumo informativo de The New York Times (realizado
tamén por Barbaro, pero nun formato condensado) ou a reprodución de The Daily, e incluso crearon skills con xogos interactivos sobre as
novas máis relevantes, realizan escolmas musicais semanais ou ofrecen recomendacións
de lectura a través do asistente de voz, deixando claro que o medio quere
experimentar coa aceptación que pode ter este xeito de comunicación moi próximo
á radio, pero nacido nun contexto dixital.
Cómpre lembrar que practicamente calquera medio de comunicación pode adaptar o
seu fluxo de novas para a súa integración en Alexa, tanto como unha skill independente como a través da
canle de novas, de xeito que cando un usuario pregunte polas novas do dÃa o
sistema entregará os audios coas últimas informacións publicadas de xeito
sonoro (o que nuns casos son vÃdeos ou podcast, mentres que noutros son
conversións automáticas de texto a voz).