TheGrefg supera os 2 millóns de espectadores simultáneos en Twitch

martes, 12 de xaneiro do 2021 Marcus Fernández

Durante a xornada de onte o streamer español David Martínez (TheGrefg) fixo unha retransmisión en directo para presentar a súa propia skin para o xogo Fortnite e, non conforme con sumar 25 millóns de visualizacións en total, tivo a honra de realizar a retransmisión con máis espectadores simultáneos da historia da Internet segundo Twitch ao sobrepasar os 2,47 millóns de espectadores superando sobradamente os 660.000 espectadores que acadara en decembro durante o grande evento de fin de tempada de Fortnite e barrendo tamén os maís dun millón de espectadores que chegaron a conseguir ELEAGUE TV e PlayStation en Twitch.
Se falamos de retransmisións en español a través de Twitch de TheGrefx é especialmente rechamante, xa que quedou a moitísima distancia dos 533.239 espectadores que chegou a conseguir Ibai Llanos coa súa retransmisión das badaladas de fin de ano.
Resulta bastante curioso ver como, aínda que o inglés é a lingua maioritaria nas retransmisións en Twitch, o chinés, o ruso e o español tamén teñen un importante peso e, de feito, os streamers españois son dos que conseguen meirandes éxitos grazas, principalmente, pola proxección que conseguen ao outro lado do Atlántico.

PUBLICIDADE