Threads prepárase para amosar publicidade

venres, 24 de xaneiro do 2025 Marcus Fernández

Aínda que non había dúbida de que remataría pasando, a publicidade comeza a chegar a Threads, como confirmou o máximo responsable de Instagram, Adam Mosseri, quen anunciou que están a realizar probas do novo sistema de anuncios cunhas poucas marcas en EE.UU. e Xapón.
Aseguran que atenderán á resposta dos usuarios ante os formatos publicitarios que están a integrar antes de abrir a publicidade a máis anunciantes e mercados. Mosseri asegura que o obxectivo é conseguir que os anuncios en Threads poidan conseguir ser tan interesantes como o contido orgánico.