Toshiba presenta un tablet con pantalla de 13,3 polgadas

mércores, 16 de maio do 2012 Marcus Fernández

Toshiba anunciou estes días unha nova gama de tablets co sistema operativo Android 4.0 e pantallas de distintos tamaños entre os que destaca especialmente o Rezga AT830, que presenta unha pantalla IPS de 13,3 polgadas cunha resolución de 1.600 x 900 píxeles, procesador nVIDIA Tegra 3 a 1,4 GHz, 1 Gb de RAM, 64 Gb de almacenamento interno (ampliable mediante tarxetas SD), cámaras de 5 e 2 Mpíxeles, Bluetooth 3.0, Wi-Fi N, saída microHDMI, USB 2.0, unhas medidas de 343,8 x 211,3 x 9,9 milímetros e un peso de 1 quilogramo, que se ben podería ter certo atractivo para os usuarios que queiran unha pantalla de grande tamaño, a súa resolución pode decepcionar (xa hai tablets con Android con pantallas Full HD) e o seu prezo de 80.000 iens (782,18 euros) parece excesivo. Do que si pode presumir é de ser capaz de reproducir vídeo durante 13 horas seguidas, o que é todo un logro para unha pantalla de grande tamaño.

O Toshiba Rezga AT830 ten unha cámara traseira de 5 Mpíxeles

PUBLICIDADE