Towanda Rebels, activistas nas redes, abriron os faladoiros feministas da Deputación de Lugo
luns, 20 de xaneiro do 2020
As
activistas Teresa Lozano e Zua Méndez, impulsoras da canle de
comunicación Towanda
Rebels e as súas moitas e variadas manifestacións nas redes
sociais, abriron este venres os Faladoiros Feministas convocados pola
Deputación de Lugo. Na cita, as relatoras fixeron un repaso polas
súas frontes abertas en Internet (unha guerra a prol dos dereitos
das mulleres e contra calquera forma de inxustiza baseada no
machismo: prostitución, fendas salariais, culturais e tecnolóxicas,
a cultura da violencia e da violación, etc) e mostraron, tamén, a
súa particular maneira de entender e sentir o fenómeno actual do
feminismo: a voz contra o silencio, a presenza activa nas redes,
convocando multitudes, contra a comunicación limitada.
Inauguración
A
deputada de Formación, Ensino e Economía do Coñecemento, Ana
González Abelleira, e Fátima Pérez, do Foro Feminista Maruxa
Mallo, inauguraron este venres o novo ciclo de Faladoiros Feministas
impulsados pola Deputación de Lugo, que se desenvolverán ata o mes
de maio. Teresa Lozano e Zua Méndez, Towanda Rebels, foron as
encargadas de establecer un coloquio no Vello Cárcere de Lugo coas
persoas que se achegaron ata o encontro.
Obxectivos
Esta
iniciativa ten a finalidade concreta de “conectar o feminismo coa
cidadanía”, dando alternativas para “situacións derivadas da
estrutura social patriarcal, empoderar ás mulleres e loitar contra
as violencias machistas”. A Deputación colabora cunha achega de
máis de 13.000 euros e tamén coa gravación dos faladoiros e a súa
difusión en redes sociais a través do departamento de servizos
audiovisuais (SdeA)
As
conferencias
17
de xaneiro. Faladoiro con Towanda
Rebels. É unha canle de comunicación con presenza activa no
YouTube, de corte feminista e integrada por Teresa Lozano e Zua
Méndez, comunicadoras e amigas, que atopan no feminismo unha forma
de ser, de entender e de mirar a vida.
28
de febreiro. Faladoiro con Ana Iglesias. Decana en Ciencias da
Educación pola UDC, doutora en Psicopedagoxía e coautora de
Educar en la ciudadanía, obra que sinala a necesidade de asumir
a desigualdade de xénero como un dos núcleos estruturais que
dificultan o pleno desenvolvemento da cidadanía.
13
de marzo. Faladoiro con Marta Busquets, licenciada en Dereito que se
especializou en Dereito sanitario centrado nos dereitos sexuais e
reprodutivos das mulleres, así como no Dereito en relación coa
lactancia e a maternidade.
24
de abril. Faladoiro con Carmen Castro, activista e feminista, e
autora do libro Políticas para la igualdad.
22
de maio. Faladoiro con Mabel Lozano. Escribiu no 2017 El
Proxeneta, unha historia real contada en primeira persoa, sobre
un tratante de mulleres. No libro repasa a evolución da prostitución
e a trata en España desde a década dos 80.
