Twitter tiktokizará o seu reprodutor de vídeo

A tiktokización das aplicacións móbiles que contan con contidos de vídeo non parece limitarse a Instagram, e agora é Twitter a plataforma que anuncia que está a preparar novidades relativas aos vídeos, destacando especialmente un novo visor multimedia a pantalla completa que activarase con só realizar un clic sobre un contido de vídeo. Este reprodutor de vídeos a pantalla completa tamén facilitará a localización de contidos semellantes, accesibles desprazando o vídeo cara arriba e favorecendo deste xeito o consumo continuo de vídeo dentro de Twitter. Esta función chegará inicialmente a iOS para usuarios que teñan a aplicación configurada en inglés.
A outra novidade consistiría na incorporación dun módulo de vídeo que consistiría nun carrusel con vídeos suxeridos que veríamos cando estamos a explorar novos contidos, e que recollería vídeos populares dentro dos nosos intereses.