UVigo SpaceLab alcanza o deseño final do satélite BIXO

A Zona Franca de Vigo acolleu a presentación dos deseños finais do satélite da misión biolóxica espacial BIXO, o proxecto do equipo de estudantes de UVigo SpaceLab que, durante este último ano, tivo o apoio e patrocinio do Consorcio.
O proxecto culminará co lanzamento do satélite ao espazo cunha carga biolóxica no seu interior coa finalidade de estudar como afecta a radiación á bacteria nunha exposición prolongada. BIXO será o satélite máis pequeno con carga biolóxica que se poñerá en órbita.
Unha representación do equipo de SpaceLab, no que traballan máis de 40 estudantes de diferentes titulacións, mantivo este martes un encontro coa delegación de Zona Franca liderada por David Regades. Guillermo Calvo, líder técnico do equipo e responsábel de Electrónica: Estela Lima, coordinadora e responsable de Organización e Marketing; Iliana Durán, responsábel do departamento de Bioloxía; e Víctor Iglesias, responsábel do departamento de Software, mostraron ao delegado os avances realizados na Misión BIXO durante a participación do equipo no Fly Your Satellite Design Booster, o programa da Axencia Espacial Europea. Foron 18 meses de asesoramento e acceso ás instalacións da ESA; outro período de formación intensiva no ESTEC, o Centro Europeo de Investigación e Tecnoloxía Espacial; ou a Final Design Review, trala que se aplicaron todas as recomendacións, as leccións aprendidas e a visión de futuro.
David Regades, que avanzou ao equipo que a Zona Franca aumentará o seu apoio ao proxecto, aplaudiu este novo éxito alcanzado por este grupo de estudantes “que non deixa de asombrarnos co seu enorme talento, a súa innovación, vocación pola investigación e a súa capacidade de traballo en equipo”. O delegado do Estado renovou a aposta da Zona Franca polo sector aeroespacial, “unha dos acenos de identidade do Consorcio”, e augurou un “futuro máis que brillante a este proxecto”.
Por certo que o UVigo SpaceLab xa ten listo o prototipo da estrutura do satélite, deseñado polos estudantes e fabricado por Precisgal. Pesentou tamén o deseño final da antena de parche de banda S que irá a bordo do BIXO e permitirá unha alta descarga de información; o prototipo avanzado do sistema microfluídico, ensamblado co hardware de medición do experimento biolóxico; e o FlatSat, a placa basear igualmente deseñada polo equipo vigués e fabricada por Star Electrónica.
Respecto á posta en órbita da misión, o 21 de setembro de 2022 anunciábase publicamente que BIXO sería lanzado pola Academia Chinesa de Tecnoloxía de Vehículos de Lanzamento (CSAC). A oportunidade xurdiu tras gañar o primeiro posto no Space Universities CubeSat Challenge (SUCC), organizado coa Federación Internacional de Astronáutica (IAF). Na actualidade, está a traballarse en contacto co lanzador para coñecer os requisitos que BIXO deberá cumprir para este lanzamento.