Uber Eats chega a Vigo logo do seu desembarco en Ourense e Lugo
xoves, 7 de novembro do 2019
Uber,
a compañía de transporte privado que opera baixo a plataforma de
aplicación do mesmo nome, vén de estender as súas ramificacións
na nosa terra. E faino en Vigo (e previamente en Lugo e Ourense) a
través de Uber Eats, a ferramenta móbil de comida a domicilio, que
comezou esta semana (onte mesmo) a súa andaina na cidade olívica.
Segundo
informa a compañía, a arribada de Uber Eats nas tres localidades
permitirá aos residentes “gozar en casa, na oficina ou en calquera
recanto das ditas cidades da súa comida favorita, e só descargando
a app a través de ubereats.com”.
Uber
Eats conta nesta fase de lanzamento con máis de 60 restaurantes
galegos dispoñíbeis. No caso de Vigo incorporáronse
establecementos referenciais como Kyoto Galicia, A Tapa do Barril, La
Leyenda, Interpizza ou Goiko Grill, entre outros.
“Hai
uns meses lanzamos o noso servizo de comida a domicilio en Ourense e
Lugo e hoxe continuamos o noso espallamento en Galicia co lanzamento
de Vigo, cuxos habitantes poden gozar xa dunha nova opción práctica
e sinxela para pedir comida a domicilio”, sinalan os responsábeis
de Uber Eats, engadindo que a través da aplicación, que dispón de
múltiples opcións de personalización, “poderán saber en todo
momento onde se atopa o seu pedido, que estimamos recibirá nuns 30
minutos de media”.
O
servizo está dispoñíbel de luns a venres, de 12h da mañá a 17h
da tarde, e de 19h a 23:45h da noite. De sábado a domingo, de 12h da
mañá a 23.45h da noite. En Uber Eats, non hai pedido mínimo e, o
custo de envío será de 2,5 euros en todas as solicitudes a calquera
hora do día.