Un alumno do Máster en Ciberseguridade da UDC gaña o CDO University Challenge de Telefónica
venres, 16 de novembro do 2018
O estudante do Máster Inter-Universitario en
Ciberseguridade (MUNICS) da Universidade da Coruña e a Universidade de Vigo,
Enrique Andrade González, gañou a segunda edición do CDO University Challenge de Big Data e Ciberseguridade lanzado por
Telefónica. O MUNICS está organizado pola Universidade da Coruña (UDC) e a
Universidade de Vigo (UVigo) e nel colaboran o CITIC da UDC e o atlanTTic da
UVigo. O investigador do CITIC, Tiago Manuel Fernández Caramés, dirixiu o
Traballo de Fin de Grao co que Andrade resultou gañador.
A iniciativa estaba destinada a estudantes universitarios en último curso de
grao, posgrao ou mestrado que desexasen desenvolver os seus proxectos baseados
en casos reais do Chief Data Office (CDO) de Telefónica. AsÃ, o traballo de Andrade leva por tÃtulo JAWS (JavaScript Analysis for Web Security) e
foi dirixido por Tiago Manuel Fernández Caramés, investigador do CITIC e profesor
do MUNICS da UDC, e Marcos Arjona, da área de Innovación en Seguridade do CDO
de Telefónica.
Este reto foi organizado por LUCA, a unidade de datos de
Telefónica, ElevenPaths, a unidade de ciberseguridade, e liderado polo afamado
hacker e experto en ciberseguridade Chema Alonso. Grazas a este recoñecemento,
o premiado terá a oportunidade de traballar cunha bolsa de emprego en
ElevenPaths-Telefónica para dar continuidade ao seu proxecto.
O proxecto presentouse onte na conferencia que organiza o
Data Transparency Lab en Barcelona.