Un dispositivo permitirá empregar butano para cargar os nosos trebellos en mobilidade

martes, 8 de maio do 2012 Marcus Fernández

Brookstone vai comezar a vender este ano baixo a súa marca uns novos cargadores para smartphones fabricados por Lilliputain Systems e que funcionarían con combustible, de xeito que lembraría aos acendedores Zippo tanto no seu formato coma no seu funcionamento. Estes dispositivos cheos darían para cargar un smartphone por USB entre 10 e 14 veces, e poderían ser un accesorio de grande utilidade para usuarios de móbiles con batería fixa, que non sempre poidan contar cun punto corrente para a carga da súa batería (como viaxeiros, estudantes ou mesmo rapaces que fagan uso de consolas de videoxogos portátiles).
Estes cargadores conterían butano e a súa recarga custaría “o mesmo que un café en Starbucks” en palabras de Mouli Ramani, vice presidente de desenvolvemento de negocio de Lilliputian Systems, spin-off do MIT que centra a súa actividade na busca de solucións para dotar de enerxía aos dispositivos portátiles de electrónica de consumo.

PUBLICIDADE