Un neno de 4 anos salva á súa nai chamando a emerxencias usando Siri
venres, 24 de marzo do 2017
Cando falamos de que as tecnoloxÃas actuais fan cada vez
máis accesible a comunicación é habitual pór como exemplo o uso que fan os
cativos dos trebellos electrónicos, e unha boa mostra diso chéganos agora un suceso
do que deu conta a PolicÃa Metropolitana de Londres ao publicar unha
gravación dunha chamada ao número de emerxencias 999 na que un neno de 4 anos
chamado Roman foi quen de dar conta dunha urxencia médica (a súa nai estaba
inconsciente).
Non só o pequeno soubo atender aos consellos dos seus proxenitores sobre como
proceder en caso dunha emerxencia, senón que tamén soubo indicar o seu enderezo
e responder con calma ás preguntas do servizo telefónico, o que contribuÃu
considerablemente a que os servizos de emerxencia puidesen atender rapidamente
á súa nai e trasladala a un hospital onde conseguiu recuperarse.
Un dos detalles máis curioso do acontecido é que o teléfono empregado polo
pequeno para chamar ao 999 foi un iPhone, ou sexa, que o pequeno Roman soubo
coller un dedo da súa nai para desbloquear o teléfono coa súa pegada dixital e
logo empregar o asistente de voz (Siri) para chamar aos servizos de emerxencia,
deixando claro que as facilidades que achega a tecnoloxÃa para o noso dÃa a dÃa
poden chegar a salvar vidas.
Gravación da chamada a emerxencias do pequeno Roman