Un total de 36 proxectos chegan ao Startup Day de ViaGalicia na sede de Vigo
xoves, 30 de marzo do 2023
Un
total de
36 proxectos chegaron ao Startup Day da aceleradora ViaGalicia (Zona
Franca) na sede de Vigo, que comezou este mércores 29 de marzo,
oficialmente, a súa sétima edición. Fíxoo cunha xornada de
traballo no Centro de Negocios de Zona Franca en Porto do Molle, tras
a xornada de Lugo do pasado luns. Para darlles a benvida
estiveron o delegado do Estado, David Regades; a subdirectora de
Investimentos e Startups do Igape, Fany Suárez; e o alcalde de
Nigrán, Juan González. Regades lembrou que tras dez anos de
actividade ViaGalicia puido apoiar 78 proxectos innovadores de
emprendemento que crearon uns 550 empregos.
David
Regades explicou aos promotores das startups que “estamos
aquí para axudarvos no voso camiño, para fortalecer e consolidar o
voso proxecto” e sinalou que “se vos apoia para transformar un
proxecto nunha realidade empresarial sólida, rendible e sostible”.
Dos
36 proxectos da sede de Vigo, un total de 19 son de Vigo cidade, 3 de
Nigrán, 2 de Ourense, 2 da Coruña e un no caso dos municipios de
Pontevedra, Porriño, Muros, Madrid, Gondomar, Tui, Sanxenxo, A
Estrada, Salvaterra e Derio (Biscaia).
Todos
eles súmanse aos 20 proxectos que iniciaron o seu traballo na sede
de Lugo. Son 12 da provincia da Coruña, 7 da provincia de Lugo e un
de Ourense. Por localidades 7 son da Coruña cidade e o resto das
Pontes, Camariñas, Negreira e Santiago. Os de Lugo, 6 son da capital
e outro de Begonte.
En
total 56 proxectos que pasaron o primeiro corte, dun total de 143
iniciativas empresariais que presentaran as súas propostas á sétima
edición da acelerador ViaGalicia. Finalmente seleccionaranse 15.
O
principal obxectivo do programa, ao que se incorporou nas últimas
edicións a Xunta de Galicia, é a aceleración de proxectos
innovadores e susceptíbeis de investimento, aos que se acompaña na
súa validación, posta en marcha, financiamento e maduración.
Estes
son os proxectos da sede de Vigo:
1.-
BEFLAMBOYANT. Deseñan e fabrican calzado vegano, sustentábel, de
comercio xusto e unisex, á vez que crean consciencia como estilo de
vida. Sector téxtil, moda (Pontevedra).
2.-
CERTIFIX. Certifix é unha plataforma de ITV dixital que realiza a
inspección de vehículos matriculados en España de forma remota.
Sector automoción (Vigo).
3.-
ODS PROTEIN. ODS Protein produce proteínas alternativas a partir de
fermentación de fungos, revalorizando subproductos da industria
alimentaria. Sector agroalimentario e pesca (Vigo).
4.-
BAWSE. Bawse é un selo discográfico baixo demanda de artistas.
Sector TIC (Vigo).
5.-
SMARTFLEXCELL. Crearon unha solución patentada que permite
flexibilizar a única parte que aínda era ríxida na robotización
de procesos. Sector automoción (O Porriño).
6.-
ACRE. ACRE é un SW de xestión do espazo aéreo de UAV en
emerxencias, para sector público e privado, innovando nos
procedementos empregados. Sector aeroespacial (Vigo).
7.-
DOOROTI. Dooroti é unha rede colaborativa de aluguer flexíbel e
automatizado de prazas de garaxe. Conectan espazos con vehículos.
Sector transporte e loxística (Vigo).
8.-
É CIENCIA EDITORA. Proxecto editorial de libros de coñecemento en
galego, libros vinculados ao territorio e dirixidos ao público
infantil e xuvenil. Sector comunicación e publicidade (Muros).
9.-
DIGMUS. Unha plataforma de streaming para arte dixital, que
usa a tecnoloxía de cadea de bloques (blockchain) para
xestionar os dereitos de propiedade intelectual e a súa venda.
Sector cultura e lecer (Madrid).
10.-VANCUBIC.
Sistema modular para camperizar furgonetas para todos aqueles que
teñan unha furgoneta que queiran utilizar tamén como casa rodante.
Sector automoción. (Vigo).
11.-
LA VANETTA. Elaboración e venda de produtos a partir de carnes
vexetais, mantendo tradicións e gastronomía a vegetarianos, veganos
e flexitarianos. Sector agroalimentario e pesca (Gondomar).
12.-
VI&GO. Xestión da carga de vehículos con batería extraíbel,
mediante estacións de intercambio de baterías, dirixida a
particulares e empresas. Sector servizos empresariais. (Vigo).
13.-
FishNet. Feira virtual para comercializadores de produtos da pesca.
Onde vender seguro e comprar con garantías sen custes financeiros.
Sector agroalimentario e pesca (Vigo).
14.-
BIOSPORTY. En BIOSPORTY formulan con recursos naturais soluciones bio
certificadas con actividade terapéutica para o sector saúde e
deporte. Sector perfumaría e cosmética (A Coruña).
15.-
PROPLANTAE. ProPlantae é unha empresa do ámbito da sanidade vexetal
que ofrece solucións innovadoras para unha agricultura sustentábel.
Sector agroalimentario e pesca (Vigo).
16.-
5SPECIAL. É unha filosofía de vida romántica na fabricación de
roupa e pezas artesás para un público internacional do motor e a
aventura. Sector téxtil, moda (Tui).
17.-
GUEPARDO STORE. Asesoramento, reparación e venda de produtos para
coches en áreas de servizo. Sector químicos e plásticos (Nigrán).
18.-
MININOLAS. Fabricar gominolas con: vitaminas, probióticos,
melatonina. Sen azucre, veganas, CBD Dirixida ao sector saúde.
Sector agroalimentario e pesca (Nigrán).
19.-
SEA. SEA é unha ferramenta que habilita a arquitectos e enxeñeiros
para realizar proxectos máis sustentábeis, e así cobrar máis
polos seus servizos. Sector servizos empresariais. (Vigo).
20.-
SQUIZY. Ferramenta para desenvolvedores que xera aplicacións CRUD
con control de permisos granular e auditoría a partir dun modelo de
datos. Sector TIC (Vigo).
21.-
ONENTE GAMING. Onente Gaming dispón de centros de lecer dixital con
foco no gaming e os videoxogos para gozar dunha experiencia de
xogo óptima. Sector cultura e lecer (Vigo).
22.-
ARA DE REY. En Ara de Rey crean pezas únicas, deseñadas e
confeccionadas desde cero integramente en Galicia. Sector téxtil e
moda (Sanxenxo).
23.-
CAPPTUS. Firma innovadora tecnolóxica que ofrece un SaaS para
dixitalizar as operacións de campo das axencias de viaxes. Sector
TIC (Vigo).
24.-
SOUL AUTO. SoulAuto é a primeira plataforma española en Internet de
referencia de compra-venda de coches especiais mediante poxas. Sector
outros bens de consumo (Ourense).
25.-
LUO KAI ELECTRICS. Resolver o problema do cambio de batería que
necesita un vehículo híbrido unha vez que perdeu a súa garantía a
un prezo adecuado. Sector automoción (A Estrada).
26.-
EBOL FERTILITY. Desenvolvemento de software para clínicas de
reprodución asistida que permita a xestión integral de todos os
implicados na asistencia. Sector saúde e medicamento (Nigrán).
27.-
RAÍZES PARQUE DO RECORDO. Primeiro crematorio, tanatorio e cemiterio
ecolóxico para mascotas de España. Sector outros servizos
empresariais (Vigo).
28.-
NTENTE. Ntente é unha plataforma omnicanle dirixida a marcas e
comerciantes polo miúdo que posibilita o compartir stock
entre estes de forma selectiva. Sector TIC (Vigo).
29.-
FUOCOAIR. Primeiro sistema de calefacción e ventilación simultánea
para vivendas unifamiliares, partindo dunha simple estufa de biomasa.
Sector enerxía, recursos naturais (Vigo).
30.-
HEBRA FINCAS. Aplicación web que automatiza que dá maior solidez
xurídica aos procesos de reclamacións de débedas de comunidades de
propietarios. Sector servizos empresariais (Vigo). 31.- GOTRUCKI.
Unha aplicación móbil que serve de mercado para a negociación e
contratación entre usuarios e evitar paradas obrigatorias. Sector
transporte e loxística (Salvaterra de Miño).
32.-
LUXSIT. Espectáculos de luces con drons. Sector aeroespacial
(Ourense).
33.-
NÉBODA. Néboda é un produtor de cultivos de alto valor que a
través da súa tecnoloxía propietaria revolucionará a agricultura.
Sector agroalimentario e pesca (Vigo).
34.-
BEXREAL. Sistema baseado en RA/RM que busca materializar a
visualización e interacción con parques e polígonos industriais a
través de modelado 3D. Sector TIC (Derio, Biscaia).
35.-
ITG DRONESOLUTIONS. Pór no mercado soluciones innovadoras e
complementarias para o sector de UAV (vehículos aéreos non
tripulados). Diferéncianse na posición tecnolóxica e filosofía.
Sector aeroespacial (A Coruña).
36.-
FUTURE HOUSE. Desenvolvemento de sistema de construción eficiente e
rápido "tipo LEGO" de vivendas unifamiliares que recorta
tempos e custos de construción. Sector construción (Vigo).