Unha campaña de Blusens opta aos premios Goya de Fotografía deste ano
xoves, 27 de xaneiro do 2011
No 2010 xa acadou o Premio á
Excelencia Publicitaria nos MUSA pola obra gráfica La orgía de los sentidos e agora Blusens, a nosa compañía de
electrónica de consumo con máis proxección internacional, vén de ser nominada
aos premios Goya de Fotografía pola súa campaña gráfica de presentación do
equipo Blusens-STX do Mundial de MotoGP.
O premio, que se fallará o vindeiro domingo 30 de xaneiro en Zaragoza,
non é novo para Blusens, posto que xa en 2007 se fixera cunha “Esquinera de Prata” pola FEPFI, unha
obra da mesma temática.
As imaxes do equipo foron realizadas en Barcelona polos fotógrafos
galegos Jacobo e Damián Gayo, do GF Studio, e postproducidas para integralas en
diferentes localizacións da zona histórica de Santiago de Compostela, preto da sede
de Blusens, en homenaxe tamén ao Ano Xacobeo que acabamos de despedir.
Na sesión de fotos participaron os tres pilotos do equipo, Tito Rabat,
Yonny Hernández e Mashel Al-Naimi, e o making
off da sesión está dispoñible na Rede para a súa descarga.