Unha parodia de Heidi promociona o novo xogo de Resident Evil
luns, 20 de marzo do 2023
O vindeiro venres
sairá á venda o agardado remake de Resident Evil 4, con
versións para PC, Xbox Series X|S, PS4 e PS5, prometendo unha revisión
modernizada tanto en gráficos como en mecánicas de xogo dun clásico que marcou
o camiño do seu xénero, e para animar a espera dende Capcom en Xapón veñen de
sorprender publicando o primeiro capÃtulo dunha serie de animación xaponesa titulada
Leon e a Vila Misteriosa.
Falamos de episodios animados de menos dun minuto de duración, que na primeira
entrega vemos como unha parodia da serie de Heidi, que tanto éxito tivo
en España na década dos 70. Podemos ver como Leon S. Kennedy chega a unha vila
na que aparecen diferentes personaxes armados con instrumentos de labranza que
o atacan despois de que lles pregunte por Ashley Graham, moza á que debe
protexer no videoxogo.
Entendemos o resto de episodios desta serie de animación manterán a mesma
proposta gráfica e o mesmo ton paródico, contribuÃndo a incrementar a
expectación polo xogo que xa ten unha
versión de demostración dispoñible, e que na súa
versión para PlayStation 5 presenta unha puntuación en Metacritic dun 93 sobre
100, só superado por 3 tÃtulos (Elden Ring, The Witcher 3 e God
of War: Ragnarök), dando a entender que estamos ante un dos mellores xogos de
2023 pese a tratarse dun remake.
Primeira entrega de Leon e a Vila Misteriosa