Unha web revive vellos xogos de 8 bits
xoves, 28 de agosto do 2008
- Head Over heels baixo Mac OS X
Os nostálxicos
dos xogos para Spectrum ou Amstrad CPC estarán encantados de saber que dende a páxina web de Retrospec
están a recoller toda unha serie de remakes
de clásicos xogos de 8 bits para Windows, Mac OS X, Linux e BeOS, destacando
especialmente o xogo Head Over Heels
(o único portado ás 4 plataformas polo momento) e que é toda unha obra mestra
de Jon Ritman empregando o motor gráfico Filmation, que presentaba gráficos en
perspectiva isométrica e que agora están mellorados con cores e mesmo efectos
de iluminación, conservando o seu encanto orixinal.
Na mesma web tamén podemos descargar xogos coma Humphrey, Manic Minner, Jet Set Willy, Atic Atac ou Wizball, e
mesmo unha
serie de utilidades que nos permite crear os nosos propios mapas
para os xogos.