Unirisco e Gradiant validarán proxectos de negocio tecnolóxico

mércores, 1 de decembro do 2021 S. P.

A sociedade Unirisco e o centro Gradiant sumaron forzas este mes de novembro para traballar en proxectos de negocio de negocio tecnolóxico, avaliando, validando e identificando iniciativas de potencial interese como posíbeis investimentos da devandita sociedade de capital ricos. Ambas as entidades buscarán sinerxías en relación con iniciativas empresariais dentro do ecosistema tecnolóxico e disruptivo que precisen deste tipo de financiamento.
En concreto, a colaboración centrarase na avaliación técnica/tecnolóxica de iniciativas empresariais que estean en fase de estudo por parte de Unirisco e que estean relacionadas co ámbito TIC (Tecnoloxías da Información e a Comunicación).
O Centro Tecnolóxico Gradiant tirará partido da súa ampla bagaxe na materialización de proxectos TIC ao longo dos seus trece anos de traxectoria: máis de 340 impulsados dende a súa fundación ao servizo de 370 clientes, dos que o 85% son pemes. Amais, o centro vigués foi quen de exceder os 100 profesionais e uns ingresos por valor de 5,3 millóns de euros en 2020. A maiores, no último ano son 70 os proxectos que ten en marcha.
Neste proxecto conxunto, Unirisco dará continuidade ao seu labor de apoio ao emprendemento tecnolóxico, procedendo á análise financeira e comercial dos plans de negocio relativos a iniciativas empresariais xurdidas en Gradiant como spin-offs e, no seu caso, se procede, investindo nas devanditas iniciativas.
Tanto Unirisco como Gradiant cualificaron a alianza como unha iniciativa de “gran interese para o ecosistema do emprendmento en innovación de Galicia.
Lembrar que Unirisco é unha sociedade de capital risco privada, impulsada polas universidades e principais empresas de Galicia, co propósito de acelerar a transferencia de coñecemento a través do apoio á creación de spin-offs, de base científica e tecnolóxica. Este apoio instruméntase mediante investimentos de carácter temporal no capital das mesmas, baixo criterios de rendibilidade, mellora de competitividade no sector empresarial e impacto social.

PUBLICIDADE