VESA aproba unha norma para o HDR en monitores de ordenador
martes, 12 de decembro do 2017
AÃnda que é frecuente que a porta de entrada de moitas
innovacións tecnolóxicas no fogar sexa a informática, hai tecnoloxÃas que tardan
en chegar, e nun momento no que os televisores 4K con HDR son a norma no
mercado de consumo, vemos como nos ordenadores persoais nin sequera tiñamos
normas para conducir estas interesantes melloras visuais, para o que a Video
Electronics Stardards Association (VESA) anuncia
a primeira especificación estándar aberta para o HDR.
As novas especificacións para monitores informáticos chámase DisplayHDR e dirÃxese inicialmente a pantallas
LCD para portátiles e ordenadores de sobremesa (a tecnoloxÃa OLED estará
soportada por futuras versións do estándar). O DisplayHDR v1.0 establece 3
niveis distintos de HDR para facilitar a adopción desta tecnoloxÃa en función
da gama dos distintos equipos (indo dende equipos de entrada até monitores
profesionais).
Este estándar busca principalmente evitar a confusión entre os distintos tipos
de HDR, de xeito que en equipos informáticos haxa unhas especificacións claras
para os fabricantes de hardware, que agora poderán lucir o logotipo de
DisplayHDR 400 nos seus monitores básicos con HDR, DisplayHDR 600 nos de gama
media e DisplayHDR 1000 nos de alta gama (o número que acompaña a cada norma e a
luminancia máxima dos paneis medida en candeas por metro cadrado).
Para facernos unha idea da luminosidade dos monitores con certificación VESA
para o HDR podemos comentar que as pantallas con DisplayHDR 400 teñen unha
luminosidade un 50% maior que a meirande parte das pantallas de portátil, á vez
que tamén soportarán imaxes de 8 bits (normalmente os portátiles procesan só 6
bits emulando os 8), polo que estas novas especificacións poden ser un impulso
para a mellora da calidade das pantallas dos nosos equipos informáticos.