Vigo acolle a vindeira semana o Tech Forum CAISOFT

O vindeiro mércores 4 de xuño, a cidade de Vigo acollerá o Tech Forum CAISOFT, un evento gratuíto que reunirá a expertos e profesionais do sector para discutir as claves da transformación dixital nas empresas. Durante a xornada, abordaranse temas cruciais como as novas normativas de facturación, a automatización de procesos e o impacto de tecnoloxías emerxentes, como a Intelixencia Artificial e GPT. O foro celebrarase na Sede Afundación de Vigo en horario de mañá, de 9.00 a 14.00 horas.
En palabras da organización o encontro promete ser un punto de encontro esencial para empresas e profesionais que buscan adaptarse aos retos actuais da contorna empresarial.
Axenda
09:00h - 09:30h: Recepción e benvida.
09:30h - 09:45h: Presentación inaugural.
09:45h - 10:05h: Automatización do control horario para cumprir coa normativa.
10:05h - 10:35h: Intelixencia Artificial e GPT ao servizo das empresas.
10:35h - 11:05h: Caso de éxito: experiencia dun cliente.
11:05h – 11:35h: Pausa para o café e networking.
11:35h – 12:05h: Visión práctica nos software de facturación CAISOFT.
12:05h - 12:35h: Claves normativas do Reporte Fiscal, VeriFactu e Factura Electrónica.
12:20h - 12:50h: Transformación dixital dos negocios: solucións que simplifican procesos.
12:50h - 13:30h: Mesa redonda do sector: retos e oportunidades.
13:30h – 14:00h: Peche e despedida.
A quen está dirixido
O Tech Forum CAISOFT 2025 é un evento gratuíto que está dirixido a asesorías, empresas, xestorías e despachos profesionais que buscan avanzar na súa dixitalización e adaptación ás novas normativas, á vez que melloran a eficiencia e produtividade mediante a automatización de procesos.
As prazas para o evento son gratis e limitadas. A organización recomenda ás persoas interesadas que contacten con CAISOFT ou inscribir con antelación a través da ligazón habilitada para asegurar a súa participación.