Vitae formaranos nos procedementos máis axeitados para crear os mellores programas
martes, 16 de xaneiro do 2018
A
calidade, nun mundo tan competitivo coma o noso, é se cadra o factor
máis decisivo á hora de facer que un proxecto tecnolóxico caia do
lado do éxito e non do fracaso. Estamos a falar, ademais, dun factor
que debe aplicarse e garantirse dende a orixe mesma dos traballos a
desenvolver, dende o intre mesmo en que os profesionais do
desenvolvemento se poñen diante do computador dando forma aos
primeiros bosquexos da súa idea. A pregunta que nos podemos facer é:
hai metodoloxÃas que nos axuden a asegurar os mellores resultados?
Segundo nos contan dende a consultora galega Vitae, a resposta é
afirmativa. Para botar luz sobre algunha das metodoloxÃas de
meirande eficacia a consultora vén de convocar a quinta edición do
seu Curso
de Fundamentos en Testing, xa dispoñÃbel na web.
A
cita desenvolverase ao longo de 16 horas no Hotel Attica 21 da
Coruña, os dÃas 19 e 20 de febreiro. O obxectivo é formar aos
asistentes en ferramentas de utilidade para garantir que os seus
traballos de desenvolvemento de software acaden, precisamente, os
máis optimizados acabados. Dito doutro xeito: amosarase como
traballar para acadar o mellor traballo. O curso, por certo, achega a
opción de Certificación en Fundamentos de Testing polo programa de
certificación ISTQB (International Software Testing
Qualifications Board), que é o estándar mundial para
avaliadores de programas informáticos.
Segundo engade Vitae
nun plano máis detallado, os obxectivos desta actividade pasan por
proporcionar os procedementos e métodos de meirande relevancia
actual para capacitar aos asistentes na xestión, na planificación,
no deseño e na execución de probas de software coa meirande
eficacia. Deste xeito, engade a consultora, quen asista ao curso
gozará da oportunidade de entender os conceptos clave das probas de
software, de asegurar un alicerce sólido para o medre profesional na
súa área e de comprender as técnicas básicas de validación de
programas.
O curso está dirixido a profesionais da actividade
de probas, como testers, analistas e enxeñeiros de probas,
asà como responsábeis de calidade de software. Tamén se encamiña
a profesionais que desexen acadar unha visión avanzada e integral
dos procesos de avaliación, como xefes de proxectos, analistas de
negocio, xerentes, consultores TI e programadores.
A persoa
encargada de impartir todos estes contidos será Aurelio Gandarillas
Cordero, enxeñeiro en Informática e enxeñeiro técnico industrial
en Electrónica, con máis de 25 anos de experiencia no sector das
novas tecnoloxÃas da información e máis dunha ducia de anos como
consultor e formador nos eidos do deseño, a implantación e a
mellora dos procesos de desenvolvemento e calidade do software.