Vodafone TV flexibiliza a súa oferta audiovisual

Aínda que nos últimos meses Vodafone promocionaba o seu paquete Vodafone TV Total, coa meirande parte das súas canles televisivas de pagamento incluídas, atendendo aos cambios do mercado aposta agora por unha proposta de televisión máis flexible, para que os clientes son contraten o que queren ver. Deste xeito, a partires do 14 de abril, o servizo de Vodafone TV organiza os seus contidos en 5 paquetes temáticos: Pack Seriefans, Pack Serielovers, Pack Cinefans, Pack Documentales e Pack Peques.
Vodafone aproveitou este anuncio para dar conta da incorporación de Starzplay en Vodafone TV, fornecendo así a súa oferta de cine e series.
O Pack Seriefans inclúe as series de HBO España, FOXNOW e AXN Now, e centos de series máis baixo demanda por 10 euros/mes, incluíndo tamén as canles TNT, Calle 13, Comedy Central, Cosmo, SYFY, XTRM, FOX, FOX Life, AXN, AXN WHITE e AMC; os clientes que queiran completar esta oferta con Starzplay e Movistar Series teñen por 16 euros/mes o Pack Serielovers.
Para os seareiros do cine chega o Pack Cinefans, que custa 12 euros/mes, e inclúe os clásicos de TCM e Somos, as novidades de Movistar Estrenos e o cine independente de Filmin. Completa esta oferta con Dark e Canal Hollywood.
Por 8 euros/mes tamén podemos contratar o Pack Documentales, cos contidos de Historia, Odisea, Discovery Channel, National Geographic+, National Geographic, National Geographic Wild, Viajar, Crimen e Investigación, FunBox , Insight UHD, Blaze, My Zen TV, Stingray Festival4K, Slow Channel 4K, Canal Cocina, Decasa, MTV, My MTV, Sol Música, HIT TV e Fashion One.
E para o público infantil temos o Pack Peques, que por 5 euros/mes achega as canles Disney Junior, Disney XD, Nickelodeon, Canal Panda, Nick Jr., My Nick Jr. e Baby TV.
A estes paquetes súmaselle sen custo adicional as canles da TDT e as canles e contidos baixo demanda de AMC, FOX Life, Cosmo, Comedy Central, XTRM, TCM, Sundance TV, Disney XD, Eurosport 1, National Geographic Channel, National Geographic+, Canal Cocina, Decasa, MTV, My MTV Music, Sol Música e HIT TV.