Vodafone presenta novos plans de cara á volta ao cole

Vodafone España vén de presentar unha nova oferta de plans que combinan conectividade fixa e móbil cun amplo catálogo de servizos de lecer, incluíndo plataformas de streaming, Vodafone TV e opcións de contidos deportivos como o fútbol. A iniciativa busca reforzar o posicionamento da compañía con estes tres novos plans principais.
O máis completo ofrece por 49 euros ao mes durante seis meses (despois 71 euros) fibra de 600 Mbps con router e instalación incluída, dúas liñas móbiles ilimitadas con 150 GB cada unha, Vodafone TV multidispositivo con funcionalidades avanzadas de xestión de contidos e as catro principais plataformas de streaming: HBO Max, Disney+, Prime Video e Netflix. Este plan permite engadir paquetes de fútbol como DAZN Fútbol, DAZN Total e o Pack Deportes, que inclúe LaLiga Hypermotion e competicións de tenis, ciclismo e motor a través de Eurosport 1 e 2.
Para quen busca optimizar custos mantendo unha boa conectividade, Vodafone ofrece un plan definitivo por 40 euros ao mes que inclúe fibra a 600 Mbps con router e instalación, así como unha liña móbil ilimitada con 50 GB a máxima velocidade.
Ademais, a opción Internet Portátil permite levar a conexión a calquera lugar por 20 euros ao mes, cun router premium con tecnoloxía Wi-Fi 6 que pode alcanzar velocidades de ata 1 Gbps en condicións óptimas.
A compañía tamén pon en marcha unha nova campaña publicitaria centrada na fiabilidade da súa rede, destacando que foi o operador que mellor respondeu á apagada eléctrica do pasado 28 de abril, segundo un estudo independente de Ookla. Grazas á súa arquitectura con autonomía enerxética distribuída, Vodafone conseguiu minimizar as interrupcións do servizo.