Vodafone supera os 15 millóns de clientes en España

Vodafone anunciou que no mes de maio superou a barreira dos 15 millóns de clientes, no que supón unha marca histórica para a empresa en España só 2 meses despois de pechar o seu exercicio fiscal (do 1 de abril de 2006 ó 31 de marzo de 2007) no que acadou uns ingresos de 6.637 millóns de euros e un beneficio operativo de 1.623 millóns.
No último ano Vodafone incrementaría os seus usuarios en 1,37 millóns, dos que o 54,8% son de contrato. Destaca que o gasto medio mensual dos clientes da operadora é de 35,2 euros, así coma o feito de que Vodafone lidere o mercado español da telefonía móbil de terceira xeración con 2,9 millóns de clientes (fronte ós 1,49 de Movistar).