Volve Forza Motorsport

Tras varios anos nos que a franquía de xogos de condución de Microsoft parecía limitarse a entregas de Forza Horizon, chega finalmente un novo Forza Motorsport, título que xa está dispoñible para PC, Xbox Series X|S e xogo na nube, ofrecéndose en distintas versións que en función dos contidos incluídos teñen un prezo oficial de entre 79,99 e 99,99 euros. Cómpre salientar que o xogo está incluído no Xbox Game Pass, aínda que nese caso a versión que se recibe é a máis económica, existindo a posibilidade de adquirir a máis avanzada mediante o pagamento de 39,99 euros.
O novo Forza Motorsport conta con 20 circuítos de todo o mundo con múltiples trazados e máis de 500 coches de lanzamento, prometéndose novos contidos periodicamente (pois chega coa vocación do xogo como servizo). O xogo renovouse especialmente con novos físicas e o uso de intelixencia artificial, conseguindo a experiencia máis realista xamais vista na franquía.