WhatsApp chega ao Nokia 8110 4G

Hai máis dun ano que se vén falando da incorporación da aplicación de WhatsApp ao sistema operativo KaiOS (limitándose a un smartphone tan básico como o JioPhone 2 e no territorio da India). pero por fin chegou WhatsApp á KaiStore, de xeito que dispositivos con só 512 ou 256 MB de RAM poderán gozar de WhatsApp, aplicación que incluirán preinstalada a partires do vindeiro trimestre.
Dado que WhatsApp é unha ferramenta empregada por máis de 1.500 millóns de usuarios de todo o mundo, que poida estar dispoñible dende terminais móbiles conectados moi básicos non só facilita o acceso a usuarios cun baixo poder adquisitivo, senón tamén a moitos usuarios que consideran que os smartphones con Android son demasiado complexos.

O CAT B35 é un dos teléfonos máis interesantes en recibir a aplicación de WhatsApp

Actualmente hai máis de 100 millóns de smartphones con KaiOS no mercado, polo que supón un importante salto na dispoñibilidade de WhatsApp, dando tamén aos usuarios bastantes formatos de teléfono para escoller, xa que o Doro 7060 ten formato de cuncha, o MaxCom 241 ten formato de barra, o Cat B35 sería un dispositivo reforzado para soportar contornos agresivos, e incluso o JioPhone 2 presentaría teclado QWERTY na liña dos clásicos móbiles de BlackBerry (aínda que este móbil limitaría a súa distribución á India).
Sen dúbida, o teléfono máis importante do que reciben agora WhatsApp é o Nokia 8110 4G, o Banana Phone, que está inspirado no móbil que podiamos ver no filme Matrix e que saíu á venda en España a un prezo de 79,90 euros, pero que nalgunhas tendas poder atoparse por menos de 50 euros, ou sexa, que móvese nun rango de prezos no que tamén podemos atopar ao Nokia 1 ou ao Redmi Go, que ofrecen moitas máis posibilidades, de xeito que en España o prezo non semella un bo argumento de compra (como si pode chegar a selo que os móbiles con KaiOS sexan máis sinxelos que con Android).