WhatsApp incorpora efectos nas videochamadas

Para facer máis divertidas e expresivas as conversas a través de WhatsApp, concretamente nas videochamadas, a aplicación de mensaxería está a incorporar novos efectos, de xeito que os usuarios podemos mudar o fondo ou incorporar filtros nas comunicacións en vídeo para darlles un toque máis persoal.
Os filtros axudan a crear atmosferas divertidas, engadir cor ou dar un toque artístico aos vídeos, mentres que os fondos engaden unha capa de privacidade, xa que non deixan ver onde estamos para transportarnos a localizacións relativamente xenéricas (como unha cafetería ou un salón doméstico).
Nese momento WhatsApp está a integrar 10 filtros e 10 fondos, que poderán activarse durante as chamadas de vídeo entre individuos, pero tamén en chamadas en grupo, aínda que a implantación desta prestación pode chegar a tarde en chegar varias semanas a algúns usuarios.