X quere ser a alternativa a Zoom

Sorprende ver como, mentres os Espazos de X continúan a ser unha ferramenta con problemas de capacidade, dende a compañía teimen en avanzar en servizos de comunicación audiovisual orientados ás comunicacións en directo, como X Conference, que buscaría ser unha alternativa a Zoom, Google Meet e Microsoft Teams para facer xuntanzas en liña.
Esta nova funcionalidade estaría a probarse actualmente de xeito interno en X, e descoñécese cando está previsto que chegue aos usuarios da plataforma, aínda que tampouco se entende ben que desenvolvan unha función que se solapa demasiado con outra que aínda está a medio cociñar, e que dificilmente conseguirá callar nun mercado con opcións maioritarias moi consolidadas e fiables.