XGN R Encounter arrinca mañá con preto de 800 inscritos
xoves, 6 de outubro do 2022
Todo preparado no recinto Feira Internacional de Galicia Abanca
para a 22ª edición de XGN R
Encounter, a cal se pon marcha mañá con preto de 800 inscritos que poderán
desfrutar ata o vindeiro domingo dunha gran cita coa informática e as TIC. Os
rexistrados na LAN party disporán dun posto para o seu equipo informático con
dereito a acampar no interior do pavillón e tamén dun amplo programa de
propostas e torneos exclusivos. Todos eles terán a posibilidade de navegar,
grazas a R, a unha velocidade de até 20 Gbps.
Estes participantes na Intranet da XGN R Encounter xa
poderán comezar a acreditarse e instalarse desde primeira hora desta tarde,
cando a LAN party abre as súas portas de forma non oficial para realizar probas
e facilitar o acceso, aÃnda que o evento e o programa non comezarán ata
mañá.
Aprendizaxe, intercambio de experiencias e diversión serán
os eixos dunha cita que se desenvolverá xa no seu formato completo nos dous
pavillóns principais do recinto, de 10.000 metros cadrados cada un deles. AsÃ,
tras celebrase online en 2020 e facelo de forma presencial para inscritos en
2021, este ano recupera tamén a súa área de acceso libre no recinto, cuxas
actividades se realizaron na pasada edición a través de internet porque a
pandemia aÃnda o esixÃa.
Esta zona aberta, denominada Extranet, contará durante os
dous primeiros dÃas da LAN party cun completo programa ao que poderán acceder
gratuitamente os rexistrados e tamén os visitantes que se acheguen de forma
ocasional. A volta á presencialidade deste espazo permitirá retomar actividades
con gran atractivo.
Numerosas actividades
O programa da XGN R Encounter 2022 sumará na Intranet e a
Extranet máis de 50 propostas lúdicas e formativas con interesantes novidades.
En canto ás actividades dirixidas exclusivamente aos
inscritos, a Intranet da XGN R Encounter incluirá competicións de arte dixital,
centradas en curtametraxe, gráficos 3D, ilustración e música dixital, concurso
de dobraxes e fotografÃa, retoque fotográfico, fast compos e anime music vÃdeo.
Ademais, en hardware contará con diversas actividades, entre elas modificación
e personalización de equipos, talleres de hidroimpresión (consiste na
transferencia dun deseño impreso nunha lámina a calquera obxecto que entre
nunha cubeta) ou experiencias de realidade virtual.
Asà mesmo, os participantes poderán tomar parte, no apartado
de software libre, no AI Contest, unha proba centrada en programar un robot
para que compita con outros nun sinxelo xogo. Ademais, organÃzanse máis dunha
ducia de torneos de numerosos videoxogos, entre eles League of Legends, Valorant,
Rocket League, FIFA 22, Mario Kart 8 ou Street Fighter V e, como
sempre, o trivial de cinema e de xogos, a competición de avións de papel
papers flight simulator ou o Game of encounter: A casa da org, un
torneo con gran número de probas.
A Extranet, pola súa banda, incluirá durante os dous
primeiros dÃas da LAN party conferencias como Monta a túa web dende cero,
Ivao, simulando o ceo ou Materiais baratos para iniciarse no cosplay
(actividade consistente en usar disfraces e accesorios para representar un
personaxe de videoxogo, cinema, manga ou cómic), e tamén talleres para
programar un sensor que mida a calidade do aire, deseñar un reloxo con 60 leds
que fan de segundeiro ou xogar ao fútbol cos Robots Dash. Asà mesmo, Ivao
(International Virtual Aviation Organisation) organizará eventos de simulación
de voo e concursos virtuais de tomas suaves e voo nivelado.