Xa hai finalistas dos Premios Clúster TIC Galicia, que se entregan mañá en LibreCon
mércores, 28 de outubro do 2015
O
congreso LibreCon que comeza
mañá na Cidade da Cultura de Santiago, amosando ante o mundo o noso
espírito innovador e emprendedor en materia de software libre, vai
acoller a entrega duns galardóns encamiñados -precisamente- a
visualizar e recoñecer a nosa capacidade de achegar ao mercado
recursos open
source
novos e referenciais. Falamos dos Premios Clúster TIC Galicia,
convocados pola plataforma do mesmo nome, organizadora (tamén) do
evento LibreCon xunto con AGASOL e ASOLIF. Os galardóns, que se
estrean este ano, entregaranse este xoves. Segundo
comunica o Clúster TIC, xa hai finalistas.
Foron
dados a coñecer polo comité avaliador experto do certame, que
cualificou o traballo de selección de “complicado”, dado o alto
nivel das 34 candidaturas presentadas.
Os
finalistas son:
·
Categoría Innovación:
Avansig
(A Coruña)
EGATEL
(San Cibrao das Viñas)
Sinergia
G6 (O Porriño)
·
Categoría Internacionalización:
Igalia
(A Coruña)
Quobis
(O Porriño)
Optare
Solutions (Vigo)
·
Categoría Liderado
TIC:
Altia
CONSULTORES (A Coruña)
CPEIG
(Santiago de Compostela)
Hewlett
Packard Servizos (Santiago de Compostela)
·
Categoría Startup:
Appentra
Solutions (A Coruña)
Brookesia
Design and Technologies (San Cibrao das Viñas)
Domesting
(A Coruña)
·
Categoría Software
Libre:
Igalia (A Coruña)
Librebit (Vigo)
Paco&Lola (Meaño)
Os gañadores non se desvelarán até a gala de entrega dos premios.
Sobre a gala dos premios
Como dixemos, a gala terá lugar no marco do evento LibreCon 2015 o día 29
de outubro ás 19:30 h. na Cidade da Cultura en Santiago de
Compostela. A asistencia é gratuíta previa inscrición. Por seren
galardóns de honra que distinguen a calidade, os premios non
comportan dotación económica, os gañadores recibirán un trofeo
representativo e exclusivo.
Sobre os galardóns
Segundo informa o Clúster TIC Galicia, nacen para estimular e
recoñecer o traballo de todos os axentes comprometidos co
desenvolvemento do tecido produtivo baseado na Sociedade da
Información. Con esta iniciativa, quérese pór de relevo ante a
sociedade o labor das empresas, profesionais ou entidades que
deseñan, programan, desenvolven, implantan ou usan produtos ou
servizos galegos que teñen na innovación e no uso das novas
tecnoloxías a súa razón de ser. A participación está aberta a
todas aquelas empresas/entidades que realicen proxectos no campo das
tecnoloxías da información e as comunicacións, ben sexa como
provedores ou como entidades usuarias de produtos e servizos TIC
galegos.