Xerais promove a última novela de Suso de Toro en Internet

martes, 12 de decembro do 2006 Fernando Sarasketa

Por que nos medios de comunicación se anuncian todo tipo de produtos de mercado agás os libros? Quen dixo que unha novela non podía promoverse na televisión e máis en Internet? Por que non ía aproveitar unha editorial as moitas posibilidades dun servizo web de balde e usado no mundo enteiro como YouTube?
Todas estas preguntas veñen a conto para presentar o que ben podería constituír un fito na literatura galega, logo de que Xerais dedidise lanzar unha campaña na televisión e máis na Rede da novela Home sen nome, de Suso de Toro, da que xa se levan vendidas dúas edicións en só tres meses. O anuncio do libro comezou a emitirse este luns 11 de decembro na TVG (acompañando programación cultural) e máis no dito servizo web, abrindo “un novo camiño para a promoción do libro galego”, en palabras de Manuel Bragado, editor de Xerais e responsable do caderno Brétemas.
O vídeo pódese ver a continuación:

PUBLICIDADE