Xiaomi presenta uns auriculares sen fíos con cancelación de ruído moi económicos

mércores, 21 de xullo do 2021 Marcus Fernández

Xiaomi vén de revolucionar o mercado dos auriculares sen fíos cos seus novos Redmi Buds 3 Pro, que aínda que non teñan prestacións que non se visen antes noutros dispositivos, conseguiron achegar grandes características a un nivel de prezo sen competencia, xa que estes auriculares sen fíos teñen un prezo moi agresivo, por debaixo dos 50 euros e que, con desconto, poden mercarse en AliExpress por só 31,13 euros.
Pese ao reducido prezos estamos a falar duns auriculares sen fíos con conectividade Bluetooth 5.2, cancelación de ruído activa de até 35 dB, con carga sen fíos e unha autonomía de até 6 horas cunha única carga (até 28 horas grazas ao seu estoxo de carga), carga rápida (consegue 3 horas de autonomía con só 10 minutos de carga), integra 3 micrófonos para conseguir cancelar o ruído nas chamadas, inclúe modo transparencia (para poder escoitar o son ambiental sen ter que quitar os auriculares) e incluso permite emparellarse rápido e conectarse a 2 dispositivos simultaneamente (para facer doado o salto entre o lecer e o traballo).
Os Redmi Buds 3 Pro tamén detectan cando se retiran do ouvido para pausar automaticamente a reprodución musical, teñen resistencia á auga IPX4 e inclúen almofadas de silicona de 3 tamaños distintos para escoller as que mellor se suxeiten ao ouvido.

Os novos auriculares son moi compactos e con prestacións propias de dispositivos con prezos moito superiores

PUBLICIDADE