Xunta e CEO organizan unha xornada en liña sobre as axudas á dixitalización 4.0

A Confederación Empresarial de Ourense (CEO), a través da oficina Conecta Ourense, colabora coa Xunta e o IGAPE na celebración dunha xornada en liña dirixida a pór sobre mesa todos os detalles das axudas publicadas até o de agora das que poden botar a man as pequenas e medianas empresas para afrontar proxectos de dixitalización de Industria 4.0.
Esta xornada informativa, organizada no marco da iniciativa Conecta Ourense da CEO, celebrarase este xoves 29 de xuño ás 12.00 horas e contará coa intervención do director da Área de Competitividade do IGAPE, Norberto Penedo, quen exporá as cuestións máis salientábeis destas axudas, así como os aspectos técnicos máis importantes de cara á súa tramitación. A sesión servirá para resolver as dúbidas sobre estas axudas á dixitalización Industria 4.0 Intervén tamén Jaime Pereira, secretario xeral da CEO.