YouTube trae a España os seus servizos de subscrición de pagamento
luns, 18 de xuño do 2018
YouTube leva anos ofrecendo en mercados como o
estadounidense diferentes opcións de pagamento, que agora amplÃan a súa
dispoñibilidade xeográfica chegando a novos paÃses como España, onde xa
podemos contratar YouTube Music e YouTube Premium.
YouTube Music é o novo servizo de música
en streaming de YouTube, dispoñible
por 9,99 euros/mes (ou cunha opción de 14,99 euros/mes para o plan familiar) e
que presume de contar cun catálogo musical moi completo, no que figura numeroso
material difÃcil de atopar (como actuacións en directo, versións...), que como
outros servizos semellantes tamén inclúe listaxes de reprodución para axudar a
descubrir nova música, recomendacións personalizadas e a posibilidade de
descargar os contidos para o seu consumo sen conexión, podendo tamén aproveitar
a intelixencia de Google para permitir
buscas complexas (como identificar cancións pola súa letra).
O outro servizo que chega agora a España é YouTube Premium (inicialmente
lanzado como YouTube RED nos EE.UU.) e que por 11,99 euros/mes para o plan
individual ou 17,99 euros/mes para o plan familiar ofrece, aparte de YouTube Music,
a posibilidade de gozar de contido exclusivo de YouTube Originals, vÃdeos sen
anuncios, reprodución en segundo plano e descargas.
Ambos servizos poden probarse de balde, pero semella bastante complicado que a
súa contratación vaia ser significativa en España, xa que estamos ante servizos
que chegan moi tarde, cunha competencia moi madura e consolidada, e ofrecendo
un valor engadido que dificilmente xustifica o prezo dos servizos.