atlanTTic participa na nova edición do programa Inspira STEAM

O Centro de Investigación atlanTTic participa na nova edición de Inspira STEAM, un proxecto pioneiro para o fomento das vocacións científico-tecnolóxicas promovido pola Universidade de Deusto. Esta programa, baseado en accións de sensibilización e orientación, conta coa colaboración da Universidade de Vigo e a Deputación de Pontevedra.
A investigadora de attlanTTic Ara Núñez vén de rematar a súa experiencia como mentora coa rapazada de 6º de Primaria do CEIP Plurilingüe Mestre Ramiro Sabell Mosquera de Ponteareas. Durante 6 sesións trataron temas como os estereotipos existentes no ámbito STEAM (acrónimos de Science, Technology, Engineering, Arts and Maths) ou referentes de mulleres científicas e tecnólogas.