e-Magazine, novo eReader con pantalla de cor de tamaño A4

Pese a que estes días no Computex de Taipei os tablets estean a acaparar case toda a atención do público, existen outros dispositivos que podemos considerar interesantes coma un eReader de Delta Electronics que conta cunha pantalla de 13,1 polgadas que fai uso de tecnoloxía da Bridgeston Corporation que permite recrear imaxes de cor en papel electrónico, o que podería convertelo nun soporte moi axeitado para a lecturas de revistas electrónicas, de aí o nome do trebello: e-Magazine.
Este produto de tamaño A4 ten un peso de 730 gramos, é bastante delgado, ten unha autonomía de 6.000 páxinas, goza de conectividade 3G e Wi-Fi e tamén permite a introdución de anotación mediante un bolígrafo especial, e debería chegar ao mercado o vindeiro mes de decembro a un prezo por determinar.
Non parece que esteamos ante un competidor para o iPad, pero o que si está claro é que cando este tipo de produtos baixen de prezo terano moi doado para captar aos usuarios de eReaders tradicionais, que resístense a caer nas mans de Apple (por non considerar atinadas para a lectura prolongada as pantallas retroiluminadas).