Que é e que funcións ten unha VPN

No avanzado mundo das comunicacións dixitais é preciso o uso de determinadas ferramentas e tecnoloxías que permitan o establecemento de conexións seguras e encriptadas ao usar unha rede pública, como é a Internet. Unha VPN está deseñada para ofrecer o máis alto nivel de seguridade na transmisión dos datos, algo que consegue ao crear un túnel virtual que protexe a información enviada e recibida.

O seu funcionamento baséase en establecer esa conexión a un servidor remoto que é operado por un provedor de VPN. Despois de cifrarse os datos, encapsúlanse en paquetes para viaxar a través desta conexión cara ao servidor VPN, o que lle engade unha capa extra de seguridade e protección durante todo o percorrido. Unha vez que a información chega ao servidor, descífrase e este os reenvía ao seu destino final, isto fai que desde a perspectiva do recurso ao que se accede pareza que a solicitude chega desde o servidor e non desde o dispositivo do usuario.

Finalmente, o sitio web responde e volve ao servidor VPN que, de novo, cifra o contido e lévao de volta ao dispositivo polo túnel antes mencionado. O ordenador, tableta ou móbil descifrará os datos e poderase interactuar con eles.

As funcións principais ofrecidas por unha rede privada virtual son as seguintes:

1. Seguridade e cifrado dos datos
   A VPN ten como función principal cifrar os datos que se transmiten, complicando ata o extremo que terceiros interesados poidan interceptar e ler a información. É especialmente útil e interesante cando o usuario accede a redes Wi-Fi públicas que se presentan en rúas, aeroportos, cafeterías… que adoitan ser máis vulnerables aos ataques de piratas e hackers.
   En calquera caso, os niveis de seguridade van depender do tipo de VPN elixida, xa que o mercado ofrece unha boa cantidade delas. Se se quere completar esta información, e para ler máis sobre as mellores VPN deste ano, só haberá que facer clic na ligazón suxerida neste parágrafo.

2. Acceso a contidos
   Os países e gobernos adoitan aplicar restricións e bloqueos en determinados territorios, como poden ser servizos de streaming ou páxinas web específicas. Co uso dunha VPN efectuarase un bypass que permitirá saltar estas prohibicións e gozar do contido desexado, aínda que se estea limitado. É unha ferramenta moi utilizada en países que censuran internet de forma habitual.

3. Traballo e compras
   As VPN están a ter unha gran repercusión ao usarse como unha conexión segura ás redes corporativas para que os seus empregados poidan executar traballos en remoto de forma completamente protexida. Os traballadores poderán conectarse desde calquera lugar sen temer pola información que manexen da súa empresa, que sempre se manterá confidencial.
   Desde o lado máis lúdico e particular, as persoas desde as súas casas poderán comparar prezos de produtos e servizos de diferentes localizacións e aforrar ao mercar en liña.

4. Evasión de bloqueos e restricións
   Ao usar este tipo de tecnoloxía, evitarase sufrir os bloqueos que algúns sitios web teñen impostos por orde dos gobernos, por ser provedores de servizos de internet ou, por exemplo, os que manteñen as institucións educativas e/ou laborais.