O ZX Spectrum cumpre 30 anos
luns, 23 de abril do 2012
Hoxe é un
dÃa de celebración para moitos nostálxicos da tecnoloxÃa dos anos 80, pois cúmprese o 30º aniversario
de todo un clásico, o ZX Spectrum, ordenador de carcasa negra decorada
cunha banda de catro cores , cunhas curiosas 40 teclas de caucho e que empregaba
un televisor a xeito de monitor, que era a proposta de Sinclair Research para
facilitar a introdución do ordenador nos fogares británicos e do resto do mundo
grazas a un prezo moi competitivo (chegou inicialmente en modelos con 16 e 48
Kbytes de RAM a prezos de
125 e 175 libras esterlinas respectivamente, nun momento no que
alternativas como o Commodore
64 custaba 595 dólares nos EE.UU.).
- O ZX Spectrum +2 foi un dos ordenadores máis populares a finais dos anos 80
Tras estas primeiras versións, o Spectrum foi evolucionando
ata un modelo con 128 Kbytes de memoria, pero o seu éxito masivo non chegarÃa
ata que en 1986 Amstrad adquirise a marca Sinclair, e lanzase o ZX Spectrum +2
con unidade de casete integrada (na liña do Amstrad CPC 464) que a primeiros de
1987 chegou ao mercado, centrando a súa comercialización no uso lúdico do
equipo, converténdose nun dos ordenadores persoais máis vendidos da época,
conseguindo unha grande aceptación en España, onde incluso chegou a
comercializarse o Inves ZX Spectrum + (un clon fabricado por Investrónica,
filial de El Corte Inglés).
Para conmemorar a aniversario do ZX Spectrum, Google dedÃcalle o seu doodle de hoxe no Reino Unido.
- Google dedica ao Spectrum (e a San Xurxo) o seu doodle de hoxe no Reino Unido
- Pantalla de inicio do ZX Spectrum +2