A FAP forza o peche de WikiSubtitles.net

Hoxe desapareceu da web a páxina colaborativa WikiSubtitles, que permitían a creación conxunta de subtítulos de películas e series de televisión, segundo parece a petición da Federación Anti Piratería, que estima que a actividade da páxina mencionada constitúe unha violación dos dereitos de propiedade intelectual das empresas que engloban a FAP.
O responsable deste wiki quedou sorprendido ante a petición da FAP e o feito de que o seu provedor de hospedaxe web eliminase o acceso á súa páxina, pois os contidos que distribúen están elaborados polos seus usuarios e son traducións orixinais que como moito constituirían obras derivadas. Amais, a web non conta con publicidade, polo que carece de ánimo de lucro, e incluso o código relativo a esta ferramenta de tradución de subtítulos se liberou baixo licenza GPL v3.