Brasil aposta polo Linux nos seus procesos electorais

Moitos expertos coinciden en que o único xeito de garantir a transparencia nun proceso electoral no que se faga uso do voto electrónico é o uso de código aberto (como analoxía ás urnas de vidro), e como exemplo desta filosofía dende Vieiros apuntan que nos comicios locais brasileiros máis de 120 millóns de habitantes puideron exercer o seu voto mediante máquinas que desta volta operaron con Linux, solución adoptada para reducir custos (xa que anteriormente operaban con Windows CE.
A experiencia de uso deste sistema de votación se pode comprobar a través dunha páxina web que dende o noso navegador nos permite simular o proceso de votación, aínda que cuns candidatos e partidos inventados.