A crise podería comezar a afectar a Apple

Segundo datos publicados polo NPD Group xaneiro de 2009 sería o primeiro mes en 6 anos nos que as vendas de Apple padecen un descenso interanual e incluso estiman que durante este trimestre fiscal a compañía de Cupertino terá unhas vendas de entre 2 e 2,2 millóns fronte aos 2,3 do mesmo período de 2008, o que indicaría que Apple non está libre da mala situación da economía global, pese a que ata o momento non acusaba a crise.
Cómpre destacar que neste trimestre Apple tampouco fixo ningún lanzamento destacable (mentres que o ano pasado estreaba o seu Macbook Air) pero iso non parece ser a causa da baixada de vendas, que afectaría á liña de reprodutores multimedia cunha caída de entre o 6 e o 15%. De todos os xeitos, estas proxeccións económicas poderían ser moi imprecisas de estrearse nas vindeiras semanas novos modelos de iMac ou de Mac Mini, como se vén a rumorear.