Durante esta fin de semana Bilbao acolle a primeira edición de VideoWeb 2009, un encontro da web fóra da mesma, unhas xornadas para o intercambio de ideas e a interacción entre persoas interesadas nos distintos aspectos do vídeo na web nacido a partir do grupo VideoWeb e que xuntará a videoblogueiros, creadores de vídeo, televisións con presenza na web, webs con contidos de vídeo e todo tipo de persoas interesadas nos novos xeitos de explorar o audiovisual.
A elección de Bilbao coma berce español do vídeo na Internet non parece aleatoria, pois hai que lembrar que alí se desenvolven proxectos de relativo éxito coma o informativo semanal Lost in Bilbao.tv ou o videoblog de Eduardo Hombrelobo Pérez. O evento xuntará a uns 80 asistentes, que afondarán en temas como os xeitos de publicación de vídeo na web, a creación de podcasts de vídeo, a análise das plataformas de vídeo existentes, as solucións para a emisión de vídeo en directo, a creación de contidos multiplataforma (web, televisión, móbiles…), as estratexias de imaxe de marca e difusión social e as oportunidades de capitalización deste medio emerxente.
Vídeo promocional de VideoWeb 2009
VideoWeb 2009 xuntará en Bilbao aos videoblogueiros españois durante esta fin de semana
Compartir Este Artigo
-PUBLICIDADE-
- Preto do 70% das empresas tecnolóxicas galegas emprega a intelixencia artificial ou incorpóraa aos seus produtos e servizos
- A Xunta e as empresas do Novo Pacto Dixital comezan o traballo para a especialización de Galicia en Tecnoloxía
- Os centros educativos galegos poden inscribirse ata o 5 de outubro na VI edición de ‘Ciberseguridade no Cole!’
- A Xunta destaca o modelo de goberno da IA en Galicia, que garante a reserva de humanidade, a transparencia e o control dos sistemas que emprega a Administración
