A OSLUSC colabora no desenvolvemento de EpiLinux

A Oficina de Software Libre da Universidade de Santiago de Compostela (OSLUSC) está a colaborar na versión 2 de EpiLinux que desenvolve a Dirección Xeral de Saúde Pública e Planificación da Consellería de Sanidade e a Unidade de Bioestatística da Facultade de Medicina, estando neste momento traballando no redeseño da imaxe desta distribución de Linux orientada á utilización de ferramentas de análise epidemiolóxica e bioetatística.
Con esta colaboración búscase a adaptación da distribución GNU/Linux Ubuntu ás necesidades dos epidemiólogos, que poderán tirar proveito a filosofía e o espírito do software libre.