O venres A Coruña acollerá un novo Café Iniciador Galicia

O vindeiro venres ás 16:30 horas celebrarase na sala privada do BRIT Coruña en Los Cantones Village un novo Café Iniciador Galicia, encontro de emprendedores ao redor dun café para coñecer de primeira man a historia dun emprendedor local de éxito que dará detalles do seu proxecto actual e da súa carreira como emprendedor, que nesta ocasión será Alberto Basalo, creador do xestor documental na nube Docuralia, que busca resolver o casos de documentos repartidos en centos de cartafoles por varios ordenadores á vez que reduce a dependencia do correo electrónico e o teléfono ofrecendo un lugar común para compartir documentos (orzamentos, pedidos facturas…) e seguir a súa evolución, o que pode resultar de grande interese para a PEME.
Docuralia foi un dos proxectos finalistas do Vindeira Capital Network celebrado en maio en Santiago de Compostela, o que serviu para dar a coñecer o proxecto a quince dos principais fondos de investimento en capital semente do Estado.