Iniciador Galicia comeza o ano cunha edición especial dedicada ao e-commerce

Tras unha intensa actividade nos últimos meses de 2012, Iniciador Galcia retoma a súa actividade o vindeiro 31 de xaneiro ás 19:00 horas, nun evento especial que estará centrado no comercio electrónico e que celebrarase no centro de coworking WekCo, sito na Avenida Novo Mesoiro, no que vén de celebrarse a Worldwide Jellyweek 2013.
Durante a xornada de Iniciador Galicia realizarase a presentación dos proxectos de e-commerce galegos SaborPlace e El Súper de la Esquina, que compartirán cos profesionais e emprendedores asistentes a súa experiencia no sector, conversando con eles para resolver as súas dúbidas ao respecto, o que pode resultar de especial interese para que pretendan desenvolver o seu propio proxecto de comercio electrónico.