Logitech estrea teclado-tapa para o iPad mini

Para os usuarios que queiran facer un uso produtivo do seu iPad mini poden optar por facerse co Logitech Ultrathin Keyboard mini, dispositivo que fai de teclado recargable e tapa coma o seu predecesor para iPad, que pode sorprender por conseguir manter o tamaño e a disposición dun teclado tradicional nun tamaño moi compacto, de xeito que os usuarios afanse ao seu uso ao momento, á vez que poden tirar proveito de atallos de teclado para funcións como copiar e pegar.
Este teclado-tapa conéctase ao iPad mini mediante potentes imáns, que como a Smart Cover serve para apagar e acender a pantalla do tablet automaticamente, comunícase por Bluetooth, ten unha batería que pode durar ata 3 meses cun uso moderado, o seu grosor é de só 7,3 milímetros e pesa 220 gramos. O seu prezo de venda é de 79,99 euros e xa é posible encargalo tanto en branco ou negro.

Vídeo de presentación do Logitech Ultrathin Keyboard mini